Қазалы қаласындағы Қ. Нұрмаханов атындағы 95 орта мектеп жанынан құрылған "Еркетай" шағын орталығында 16 желтоқсан ел Тәуелсіздігінің 25 жылдық мерекесі қарсаңында ұйымдастырылған "Тәуелсізбін , егеменмін , дербеспін!" тақырыбында ұйымдастырылған салтанатты ертеңгіліктің сценарийі
Мақсаты: Жас ұрпақты өз елінің тәуелсіздігі үшін күрескен қаһармандарын құрметтеуге, адамгершілік сезімдерді қалыптастыру арқылы отаншылдыққа, еліміздің рәміздерін қастерлеуге, туған жеріне, еліне деген сүйіспеншіліктерін арттыруға тәрбиелеу.
(Күй әуені күмбірлеп тұр)
Жүргізуші: Армандарды жақындатып тым алыс,
Біздің жаққа жеткен екен жылы ағыс.
Егемендік - ел бақыты, ертеңі,
О, халайық! Құтты болсын қуаныш!
Азат өлкем күндей күлген шығыстан,
Асыл елім жан - жүректі ұғысқан.
Ата бабам аңсап өткен бақытым,
Айналайын, Қазақстан - Гүлстан!
Армысыздар, құрметті қонақтар, балалар және қадірменді ата - аналар! Бүгінгі Тәуелсіздігіміздің 25 жылдығына арналған "Тәуелсізбін ,егеменмін, дербеспін!" атты мерекелік ертеңгілігімізге қош келдіңіздер!
Назар аударыңыз ! Тәуелсіздік төрінде Қазақстан Республикасының Мемлекеттік Әнұраны
Әнұран орындалады
Жүргізуші: Тәуелсіздік күні еліміздің барлық азаматтары үшін орны ерекше мереке деп білеміз, себебі, осынау жүрекжарды қуанышқа толы күнді ата - бабаларымыз ғасырлар бойы армандап, күтумен өтті. Ата - бабамыздың қанымен , жанымен келген осынау күн біз үшін Ұлы күн ! Ұлы күнді өскелең ұрпақ санасына сіңіріп , оның мағынасы мен мәнін жас ұрпақ санасына ұялату , ұлтжанды ұрпақ тәрбиелеу, меркенің мәні мен өзектілігін ұғындыру мақсатында өткелі отырған бүгінгі күннің шымылдығын бүлдіршіндеріміз дайындаған меркелік құттықтаумен ашшақ дейміз.
Страницы: 1 | 2 | 3 > >>