Сыйныф : 5б (Рус төркеме)
Укытучы: Хурматуллина Р. Ф
Максатлар: 1. Укучыларда татар телен өйрәнүгә ихтыяҗ (кызыксыну) тудыру; тормышта рус телле балаларның татарча сөйләшә белүенә ирешү; 2. Диалогик, монологик күнекмәләрен үстерүне дәвам итү; кызыксынучанлык, коллективта эшли белүне;
3. Укучыларны дус, тату яшәргә өйрәтү, әти-әнигә һәрвакыт булышырга, ярдәмгә килергә кирәклеген төшендерү; матур яшәү өчен дуслаша белү сыйфатларын тәрбияләү; укучылар арасында үзара мөнәсәбәтләрдә ярдәмчел булу иң мөһим сыйфатларның берсе булуына ышаныч тәрбияләү.
Дәрес барышы. ( Укучылар төркемнәрдә утыралар)
I. Оештыру өлеше.
1. Уңай халәт булдыру.
- Исәнмесез, укучылар!
- Исәнмесез, саумысез!
- Кәефләрегез ничек?
- Бик яхшы. Кояшлы иртә кебек.
- Сез татар теле дәресенә әзерме? - Әйе, әзер.
- Бик әйбәт. Утырыгыз.
2. Дежур укучының чыгышы.
- Бүген кем дежур?
- Дәрестә кем юк?
- Бүген ничәсе?
- Атнаның нинди көне?
- Бүген нинди көн? (Дежур укучы җавап бирә)
- Рәхмәт.
II. Актуальләштерү. Өй эшләрен тикшерү.
-Укучылар, әйдәгез әле, өй эшләрен тикшереп алыйк. Сезгә өй эше итеп диалог төзеп килергә иде. Хәзер сезне тыңлап үтик.
Укучыларның чыгышлары тыңлана
-Молодцы, укучылар! Барыгыз да бик яхшы әзерләнгәнсез.
Укучылар, менә сез сыйныфташларыгызның диалогларын тыңладыгыз, үзегезгә нинди яңа сүзләр алдыгыз, нинди сүзләрне сез кулланмагансыз, ә иптәшегез кулланган?
(Укучылар җавап бирәләр)
III. Төп өлеш
- Ә хәзер ,күз салыгыз партага, алдыгызда мәкальләр ята, ләкин алар буташтырылып бирелгән сез аларны дөрес тәртиптә язарга тиеш. Сезгә 2 мин. вакыт бирелә.
Страницы: 1 | 2 | 3 > >>