Онтылмаслык мәктәп еллары

Онтылмаслык мәктәп еллары.
Максат: -"Соңгы кыңгырау бәйрәмен укучылар күңеленә кереп калырлык итеп үткәрү
-Мәктәпкә, укытучыларга хөрмәт һәм рәхмәт хисе тәрбияләү;
Үткәрү формасы: әдәби- музыкаль кичә.
Җиһазлау: шарлар, чәчәкләр, туп, плакатлар: "Соңгы кыңгырау", "Үтеп китте мәктәп еллары" , "Сау бул, мәктәп".
Әзерлек эше : кичә өчен вальс ,бию өйрәнү, , җырлар өйрәнү.
А. б. Хәерле көн, хөрмәтле укучылар, укытучылар, әти-әниләр һәм килгән кунаклар! Бүген без истәлекле бәйрәм - "Соңгы кыңгырау" бәйрәменә җыелдык. Ишетәсезме, бүген ничек матур чыңлый ул? (Кыңгырау тавышы).
("Саубуллашу вальсы" астында 11 нче сыйныф, укучылар кулларында чәчәк һәм шарлар; алар тезеләләр).
А. Б: Бирегә мәктәбебезнең укытучыларын чакырабыз. Рәхим итегез!
А. Б: Шулай ук бирегә иң нәни дусларыбыз - башлангыч сыйныф укучыларын чакырабыз. ( "Өйрәтәләр мәктәпләрдә" көе астында укытучылары белән бергә башлангыч сыйныф укучылары чыга).
А. Б: Хөрмәтле укучылар! Берничә көннән сез имтиханнарда классикларның әйткән сүзләрен искә төшерерсез, теоремалар исбатларсыз. Ә имтиханнарга кемнәр кертелә соң?
Тәбрикләү өчен сүз мәктәп директорына бирелә. (Мәктәп директоры чыгышы).
А. Б: Безнең бүгенге бәйрәмебездә бик күп кунаклар катнаша. Әйдәгез, алар белән дә танышып, сүзне аларга бирик әле. (Килгән кунаклар чыгышы).

А. Б: Күңелсез, чөнки бүген гади генә бәйрәм түгел, соңгы кыңгырау бәйрәме. Сез мәктәптә уку дәверендә меңнәрчә КЫҢГЫРАУ тавышы ишеттегез, ә бүгенгесенең тавышы моңсу да, ямансу да, шатлыклы да. Кайда гына булсагыз да туган йортны, туган мәктәбегезне онытмагыз.
Сезнең алда олы сынау тора,
Сез торасыз юллар чатында.
Сезнең алда төрле юллар