йды, ойыншықтарын бір- бірінен қызғанбайды, бөліседі, ренжіспейді. Сондықтан да достық татулықтан басталады.
Ал қазір мен сендерге венгр халқының "Екі қызғаншақ қонжық" атты ертегісінен үзіндіні тамашалауды ұсынамын.
-Балалар, ертегі сендерге ұнады ма?
-Иә, өте ұнады.
Қостілділік компонент:
сүйікті кейіпкерім- любимый герой, ертегі - сказка.
- Балалар, бүгін өздерің ұнататын ертегі әлемін саласыңдар.
-Қазір мен жаңа ғана тамашалаған ертегідегі екі қызғаншақ қонжықтың суретін саламын.
-Алдымен, көрнекі суретке /демонстрациялық материал/ қарайық, содан соң ретімен ақ параққа саламыз.
Балалар жұмысқа кірісерде саусақ жаттығуын жасайды:
Бас бармағым тіпті де,
Ұстай алмас жіпті де,
Екі саусақ бірікті,
Ине қолға ілікті
Үш саусағым орамды,
Жүгіртеді қаламды,
Өнерлі екен он саусақ,
Қала салсақ, жол салсақ.
Суретті салмас бұрын алдымен ақ қағаз бетін дұрыс бағдарлап қойып аламыз. Бұл қонжықтың қолайлы орналасуы, барлық бөліктерінің қағаз бетіне ретімен салынуы үшін қажет.
Қонжықтың басы , денесі, қолдары мен аяқтары салынады.
Алдымен қарындашпен салып аламыз. Аяқтары мен қолдары біркелкі болып шығуын қадағалаймыз.
Қылқаламмен бояп суретімізге көрік береміз, бірақ балалар, ұмытпандар, біздегі басты мақсат екі қонжықтың көңіл- күйлерін дұрыс жеткізу. Ал олар қандай қонжықтар екенін жаңа ертегіден білген болатынбыз.
Балалар өздеріне ұнайтын ертегілердің кейіпкерлерін салуға кіріседі. Бейнелеу материалдарын таңдап, бояуға кіріседі. Балалардың өзіндік жұмысы.
III. Рефлексиялық - түзетушілік
Сабақты қорытындылау.
-Сабақ ұнады ма? Несімен ұнады?
-Балалар бүгінгі сабақтан өздеріңе қандай үлгі алдыңдар?
-Сабақ ұнады, қызғаншақ болу жақсы
Страницы: << < 1 | 2 | 3 > >>