Салмак кына җиргә энҗедәй ак кар бөртекләре төшә. Урамда инде февраль ае. Ишегалды яп-якты һәм искиткеч тыныч, бары тик аяк астындагы карның күңелле авазлар чыгарып шыгырдавы гына ишетелә. Миңа шундый рәхәт, менә-менә канатланырмын да ап-ак кар бөртекләре белән чиксезлеккә очып китәрмен кебек.
Ак кар бөртекләре баягы сыман әйләнә-әйләнә җиргә төшәләр, әйтерсең алар кышкы вальс башкаралар...
Сез инде аптырап калгансыздыр, бу бала узган елгы проекты белән чыгыш ясарга уйлый дисездер. Юк дусларым, мин быел кар бөртеген татар теле фәне буенча тикшерергә булдым.