авусса къучагътурал куннасса виричувшивуртту дан хьурдай т1исса гьавас,гъира чант1 учин бан оьрч1аву.
Жула балайрдугу,магьригу,тарихгу цайми миллатиртталнияр ца хъис мискинсса ягу ялавайсса бур учинсса щак къабик1ан аьркинссар щилк1уй.
Цумур миллатрал буссар жула Гъумучиял кунмасса хъунмассагу ,хъиннува курт1ссагу,хъиннува ххаллилссагу тарих? Юхссагу цумур миллатраяр лагьссару жува - та Византиянал паччах1лугъгу дух дурну , щала ухссавнил Дагъусттангу цийнма мют1ий бувсса Ираннал шагьнайнгума мют1ий къавхьусса- ххаллилсса лакрал миллат?
Хьич1ва- хьхьич1 аьраб мазрая таржума бувну бур магьри, жула хъунасса ,аькьлу - к1улшилул увччусса, Щайх Жамалуттиннул лакку мазрайн.
Ниттил мазгу, му мазрайсса ххаллилса калимарттугу ,учаларттугу, лувлякъурдугу, магьригу лавхьхьусса инсаннащал мудан буссар ганал миллатрал аькьлу-к1улшигу,ях1 къириятгу, оьрмулухсса ччавугу,ухнан ххуллугу,ххувнан ламусгу.
Яла махъ цалагу оьрч1ру хьувкун,цалагу кулпатру хьувкун ми оьрч1ний цихьва ниттихъал буслай бивк1сса магьри ,абадлий хъама къабивтун,минналгу бусавант1иссар цила оьрч1арахь.
Гай магьрал кумаграйнур мюрщиминнан паччах1гу цурив, нази-вазиргу цурив, виричувгу, к1ак1ашгу цурив лахьхьайсса.
Магьрал ц1акь дант1иссар буттал к1анттухсса ччаву, оьккимунил ва т1айла бакъамунил чулухунмайсса зид,чувшивурттахсса гьавас гуж бант1иссар.
Лахьхьирчан хъинни жула оьрч1аран жула ниттил маз,жула буттахъал аьрипсса магьри ва калимартту-миннулли жуятува бант1исса ххаллилсса инсантал!!!!!
Страницы: << < 1 | 2