Мутмодыш

Мероприятий "Мутмодыш" (Игры со словами)
3 класслан келыштарыме мут дене модыш-влак.

Цель: йоча-влакын уш-акылыштым пойдарымаш, вияҥдымаш.
Задаче-влак: шочмо йылме деке шÿмаҥдаш, шинчымашыштым келгемдаш,
логикым вияҥдаш, йылмым лывырташ, кÿлеш информацийы мутерыште муын моштымаш.
Кучылтшаш материал: компьютер, проектор, книга ончер, ешартыш пашалан материал: смайлик-влак, пӱчкедыме кол-влак, эҥыр, картычкыште кол сӱрет, янлык, вольык, кайык, емыж сӱрет картычке-влак, кроссворд, ребус, криптогорамме картычке-влак.
Эртарыме формо-влак: фронтальный, шкет, тÿшка, пар дене.
Мероприятийын эртымыже.
Организационный ужаш.
Туныктышын саламлалтмыже. Класс пöлемын мероприятийлан ямде улмыжо. Йоча-влакын кÿлеш узгарышт улмым тергымаш.
Тунемше-влакым пашаш кумылаҥдымаш.
Салам лийже, йоча-влак. Айста киднам икте-весын кидышке пыштен, шокшо, поро, ныжыл кумылнам икте-весыланна пöлеклена. Ынде киднам почын, тиде ласка, поро кумылым уна-влаклан пöлеклена, лыжган пуал колтена.
Тыгай поро кумыл дене пашанам тÿҥалына.
Тÿҥ ужаш.
Эн ончыч тыгай паша лиеш. Теве ончалза доскашке (слайдышке) - буква-влакым ужыда. Кажне корнышто икгай буквам кораҥдыза, кодшо буква дене мутым погыза.

АРМАИУШИРТШ - (мут)
МБАСОНАДСНЫБШ - (модыш)
(вашмут - МУТ да МОДЫШ). Пырля лудына гын, кузе лиеш? (МУТМОДЫШ). А кузе возалтеш, айста орфографий мутерыш ончалына. Кузе возалтеш гын? Чын, пырля. Мом тиде мутшо ончыкта? Рушлашке кусарена гын, кузе йоҥга? (ИГРЫ СО СЛОВАМИ). Тугеже ме мом ышташ тÿҥалына?

Модмын правилже: Кок командылан шелалтына. Командылан лÿмым пуэна. Командирым ойырена. Тÿрлö модмаште сеҥышыш лекшылан смайлик пуалтеш. Тÿҥалына.

1. "Ик мут гыч весе"
Ик буквам кораҥд