Менің елім

Білім беру саласы: "Коммуникация"
Ұйымдастырылған оқу қызметі: "Көркем әдебиет"
Тақырыбы: Бауыржан Жақып "Менің елім". Оқып түсіндіру.
Мақсаты: Балалардың Отан туралы түсініктерін кеңейту. Туған жерге деген сүйіспеншілік сезімдерін дамыту. Туған жерін сүюге, қадірлеуге тәрбиелеу.
Әдіс-тәсілдері: әңгіме құрау, сұрақ-жауап, мадақтау.
Көрнекіліктері: Қазақстан Республикасына тиісті суреттер.
Алдын-ала жүргізілетін жұмыс: Қазақстан Республикасының қалалары, байлықтарымен таныстыру.
Сөздік жұмыс: өзен, көл, қырат, шалғын.

Іс-әрекет кезеңдері
Тәрбиешінің іс- әрекеті
Балалардың іс-әрекеті
Мотивациялық- қозғаушы
Балалармен бірге шаттық шеңберін құру, бір-біріне тілектерін жеткізу.
Аспанымыз ашық болсын.
Деніміз сау болсын.
Әрқашан күн сөнбесін!
Шаттық шеңберін құрады, ойыншық күнді жалғастырып тілектер айтады.
Ұйымдастыру-іздестіру
Отан деген - атамекен,
Отан деген - туған жер.
Отан - ана, Отан - үлкен,
Қазақстан - туған ел!
- Отан - біздің сүйікті отбасымызбен бірге тұра-тын үйіміз, туған жеріміз, ауылымыз, қаламыз, айналаны қоршаған табиғатымыз. Біздің Отанымыз - Қазақстан. Біз Ақтау қаласында тұрамыз. Біздің қаламыз әдемі, күннен-күнге көркейіп, өсіп келеді.
- Балалар, біз қай Республикада тұрамыз?
- Біз қай қалада тұрамыз?
Сергіту сәті:
Төскейден жел еседі,
Төбемнен бұлт көшеді.
Туған жерім мен үшін,
Көк майсасын төседі
Бауыржан Жақыптың "Менің елім" өлеңін оқып түсіндіру.
Менің елім - алып ел,
Бар ғой онда бәрі де.
Өзен де бар, көл де бар,
Теңіз де бар, шөл де бар.
Дөңес те бар, тау да бар,
Бақша да бар, бау да бар.
Орман да бар, қырат ба