Глагол

Темась: Глаголонть коряс кемекстамонь урок.
Цельтне: 1) кемекстамс ды домкалгавтомс тонавтницятнень содамочист глаголдонть;
2) маштомс глаголонть мукшномо. явномо сонзэ смустензэ. грамматикань ёнксонзо, наклонениянзо.
Уроконь молемась.
1. Организационной момент.
Тонавтыцясь: Шумбрачи , вечкевикс инжеть ды эйкакшт. Мон весень покш мельспаросо вастан тынк эрзянь келень уроксо. Мон арсян минь тынк марто те уроксонть карматано важодеме апак кавтолдо ды мелень путозь. Урокось течи карми аволь истя, кода эрьва разнэ.
Уроконть алтазь кортамо пельксэнтень конань коряс минь зярыя урокт важодинек Варштатано тей, уроконть лемезэ сёрмадозь, но букватне весе эсь ютковаст човорявсть. Ванносынек васнце слайданть ды ёвтасынек, кодамо кортамо пелькстнэнь алтазь урокось.
(невтеви 1 слайдась).
Тонавтыцясь:Течинь урокось алтазь глаголонтень. Течи минь карматано кемекстамо эсь содамочинек глаголонть коряс. Васенце кевкстемам истямо мекс жо глаголонть ловить сехте эрицякс, сехте сюпав, сехте важодиця кортамо пельксэкс?
Тонавтниця:Глаголось невти тевдеевема.
Тонавтыцясь:Эйкакшт, ней минь содатано, кодамо покш питневчист глаголтнэнь кельсэнть ды кортасосонть. Виде, глаголось невти предметэнть тевдеевеманзо эли, лиякс меремс, предметэнть действиянзо, действиянь процессэнть, состояниянть. А тевдеевемась те сонсь весе эрямось. Глаголось, кода весе знаменательной кортамо пелькстнэ, ваннови коломо ёндо: кодамо смусть сон канды, кода сон полатови, ды кодамо сонзэ ролезэ валрисьмесэ, лиякс меремс, кодамо валрисьмень пельксэкс эрси. Течинь уроксонть миненек истя жо эряви парсте важодемс, пурнамс вейс весе содамочинек глаголдонть.
Сёрмадсынек доска лансто течинь чинть ды уроконть лемензэ.
Тонавтыцясь: Эйкакшт, тынк икеле аштить сёрмадозь э