Баланың шығармашылығын дамытатын тәрбиеші мен мұғалім өзі шығармашылықпен жұмыс жасауы керек. Баланың шығармашылық қабілетін дамыту мақсатында өткізілетін іс-шаралар ұйымдастырылу барысында жаңа технология элементтерін пайдалану тиімді. Бұл орайды баланы жалықтырып алмаудың жолдарын қарастырып, төмендегі тәсілдерді тиімді қолдану қажет:
1. "Бала қабілетін ашуда тіл шеберлігіне көңіл бөлу және сөйлеу мәдениетін қалыптастыру";
2. "Білімін қосымша әдебиеттермен толықтыру".
Әр тәрбиешінің алдындағы сәулелі мұраты шәкіртіне білім, тәрбие беріп қана қоймай, әр баланың "менің" ашу. Сол "менді" шығармашылық тұлғаға айналдыру. Күллі ғажайыптың ішіндегі ең тамашасы - жақсы тәрбиеленген адам. Сәбиді жоғары деңгейдегі білім мен адамгершілікке баулу үшін тәрбиешінің бойында барлық асыл қасиеттердің болуы тиіс. Жалпы театрландырылған ойындарда балалардың шығармашылық қабілет-мүмкіндіктері айқын аңғарылады. Бұған пайдаланылатын шығарманың сюжеті мен ойындық қимылдары оның мазмұны бойынша анықталады, ал рөлдерді орындау тәсілдері мимика, интонация, дене қимылдары арқылы жасалып, іске асырылады. Бұл жинақ балаларға шығармашылық жағдайлар жасауға, өздеріне тапсырылған рөлдерді толық игеріп, кірісіп кетулеріне көп көңіл аударады. Олардың тиісті бейнелерді дұрыс жасаулары үшін іс-әрекет, қимылдарын көрсетіп, жетілдіруіне көмектесіп, кейіпкерлердің сөздерін, көңіл-күй, сезімін, мінез-қалпының қандай болуы керектігін түсіндіріп, ұғындырып отыру. Сөйтіп ойын барысында олардың тартымды бейнелер жасай білуіне қол жеткізу. Оған тәрбиешілер жан тәндерімен кірісіп, көп еңбек сіңіру керек.
Страницы: << < 1 | 2 | 3 | 4 > >>