Өлкетану - конспект для урока

«Қостанай өлкесі – кең байтақ жер» қолданбалы курсының бағдарламасы Күнтізбелік тақырыптық бағдарламасы
Өз елін, жер-суын,табиғат байлығының қыр-сырын, даму болашағын оқып –үйрену арқылы санасына сіңіріп, сол білімді ұрпағына мұра етіп қалдыру- әр елдің төл перзентінің азаматтық борышы.
Мектептегі өлкетану сабағы оқушылардың ой-өрісін, танымдық қызығушылығын дамытуға, шығармашылық іс-әрекетке баулиды. Сарамандық іскерлікті және ақыл –ойды қалыптастыруға көп ықпал етеді. Себебі, өлкені танудың обьектілері-туған жер табиғаты, оның халқы, шаруашылығы, өткен тарихы мен бүгіні, өнері мен мәдениеті.
Өлкетану арқылы оқушыларды айналадағы ортаны қорғауға баулып, олардың экологиялық білімін жетілдіріп, келер ұрпаққа қолда барды жеткізуге міндеттеу керек. Оқушылар өз туған жерін, өлкесін, елі туралы географиялық білімін ғылыми негізде толықтырып, жан-жақты мағлұматтар алып, экономикалық сауаттылықтарын жоғары деңгейге көтеруге мүмкіндік алады. Сабақ барысында тарих, география, химия, математика, физика, экология пәндерімен пәнаралық байланыстыру жүзеге асырылады.
Өлкетану курсын өткізу барысында неге көңіл аудару қажет?
1. Тақырыпты өту барысында бірыңғай теориямен шектелмей, сарамандық жұмыстармен ұштастыру.
2. Туған өлкені жан-жақты білу үшін көзбен көріп, санаға сіңіру мақсатында тарихи орындарға , мұражайларға, мәдениет ошақтарына , табиғат аясына саяхатқа бару.
3. Тақырыптардың ауқымды толық мәнді, мазмұнды болу үшін жергілікті жер туралы ақпарат материалдарын, архив көздерін т.б пайдалану керек.